澳洲樓宇陷阱

雖然近月澳洲部份大城市獨立住宅的價格正在飆升，但在封關及work from home 大勢影響下內城區空置率居高不下租金更因此大跌幾成，特別是Sydney and Melbourne 內城區apartment 一直過於依賴移民和國際學生，因此在一片漲聲中今次可謂是斯人獨憔悴， 預計2023年之前都不能恢復到COVID之前的水平。 其實除了COVID 封關的因素外，樓宇質量及供應過剩都好影響樓價。自從前年雪梨發生左Opal tower 事件後，海外買家開始非常關注及擔心澳洲高層住宅樓宇嚴重質量問題。個個以為外國既月光特別圓，買外國樓一定係信心保證？ 真係錯曬！原來澳洲監管制度非常求其。 今日會和大家分享下究竟監管制度問題出自哪𥚃？ 根據2012 年新洲的UNSW（university of New south wales)調查報告（連結1）已經指出自2000年以來該洲所建造的高層樓宇中竟然有多達85%存在着重大缺陷，而另一份2015年的報告亦指出平均每棟大廈所花費在修補各種問題的費用竟佔其建築成本的27%。咁就難怪澳洲D住宅樓宇物業管理費用點解貴得咁誇張。 咁監管制度究竟有乜問題？話說90年代因為建築業界經常投訴市政部門各種審批程序太慢，於是為配合建築業既急速發展而開始全澳改制，引入新的建築物私人認證制度，此舉很自然加快了各樣審批時間但同時亦存在著重大利益衝突。試想想發展商可自行選擇私人認證（private certification）不用經政府處理。(連結2）問題係提供驗證服務既私人公司變咗極其依賴建築商而生，審批嚴緊既專家變咗冇人幫襯。結果造成審批得過且過，大量樓宇不達標準。就算07年成立了專業建築委員會，監察私人認證制度也只是門面功夫，無補於是。(連結3） 私人認證有幾求其？2017年2月份，雪梨Castle Hill地區的一座39戶的高層住宅大樓「Northpoint Rise」就曝出致命既消防缺陷。原來「Northpoint Rise」是由私人認證機構Terry West公司在2014年簽發的驗收合格報告。但係就在新州消防急救（Fire and Rescue NSW）部門在2月份對這座公寓進行檢查時候發現消防栓都完全裝反了。大量消防軟管卷盤不是不能使用就是維護不良，且消防救生門把手容易脫落，對發生火災的情況下人員撤離造成極為不利的影響，咁既水準都過到骨？講到自己人查自己，醒目既香港人自然明曬！（連結4）（連結5） 咁講即係唔使買apartment 啦？咁又唔係，本人利申我都住緊Apartment。有時為左工作方便，小朋友校網同市區既繁華生活真係冇計。唯有加倍小心，睇清睇楚啦。下期再同大家分享下買apartment 的心得。

(連結1） https://newsroom.unsw.edu.au/news/social-affairs/strata-title-survey-reveals-high-level-building-defects (連結2） https://hia.com.au/-/media/HIA-Website/Files/Media-Centre/Policies/private-certification-of-building-approvals-for-residential-building-work.ashx (連結3） https://sourceable.net/is-the-era-of-private-certification-nearly-over/ （連結4） https://www.smh.com.au/national/nsw/nsw-government-fails-to-act-on-proposed-building-industry-reforms-for-almost-two-years-20170620-gwutt5.html （連結5） https://www.smh.com.au/national/nsw/private-certification-fails-home-buyers-20190719-p528ve.html